Siguria ushqimore është ndër problemet më të mprehta në vend, që asnjëherë nuk ka gjetur zgjidhje.”Stop” tregon, sesi tregtohet vaji i ullirit, që vetëm emrin ka të tillë. Pronari i firmës “Qeparoi” të bën vaj “me porosi”, duke përdorur vetëm 20% vaj ulliri e duke i shtuar në pjesën më të madhe, vaj luledielli apo misri.Ne blemë nga vaji i ullirit, që tregtohej në këtë mënyrë dhe iu drejtuam laboratorit të licensuar për analiza. Përgjigjet na i shpjegoi profesori i shkencave të natyrës Dritan Topi, i cili tha, se Acidi Miristik dhe Acidi Oilioik tregojnë, se mostra jonë rezultoi e përzierë me vaj luledielli. Sipas profesor Topit, sasia e vajit të lulediellit është prezente në masën 90% në analizat, që i vumë në dispozicion. Pra vetëm 10 % mund të jetë vaj ulliri ose esencë kimike, që e imiton atë.