E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Emisioni i plotë

STOP – EMISIONI 208 (SEZONI 2)

Tallava elektorale, nga vallja e Lindita Nikollës te shtatorja e Isa Boletinit.
Ish-ministrja socialiste e arsimit Lindita Nikolla ia ka marrë valles “O moj lulja e Kurbinit”, në kuadër të fushatës elektorale.Albert Brahollari denoncon faktin, se në bashkinë e Këlcyrës janë punësuar së fundi më shumë persona, sesa lejon organika. Ai thotë, se nga 160 persona të regjistruar në bordero, vetëm 20 mund të jenë realisht në punë dhe fajëson për këtë, kryetarin e bashkisë Klement Ndoni.Një arsimtar denoncon një tjetër abuzim fushate. Ai ka sjellë një foto, për të ilustruar, se drejtori i shkollës së mesme artistike “Jan Kukuzeli” në Durrës, anëtar i PS-së, mbyll derën me celës edhe pas orarit, për të ndaluar pjesëmarrjen e mësuesve në aktivitete elektorale. Ndërsa në Vlorë, shtatores së Isa Boletinit i kanë fshirë emrin.

Skandali, fondacioni zviceran SFI përvetëson qendrën shëndetësore të Spillesë.
Në vitin 2000 komuna Kryevidh e Spillesë nënshkroi një marrëveshje me fondin zviceran SFI, për të ndërtuar një ambulancë të re, në vend të së vjetrës dhe një kishë. Në përfundim të punimeve, SFI do t’i dorëzonte komunës qendrën shëndetësore dhe do të mbante kishën. Mjeku i zonës Ilir Allkja tregon, se qendra shëndetësore nuk u ndërtua kurrë dhe gjithcka u përvetësua nga SFI.Sot mjeku dhe infermierja janë pa një ambient, ku të kryejnë punën.Administratori Shkëlqim Gjoni thotë, se SFI ka nisur procedurën e legalizimit në mënyrë mafioze, për një pronë, që në letra rezulton shtetërore.

Viktimat e mashtrimit të ish-postierit: Cim Paprri i lirë e po bën fushatë.
Pas transmetimit në “Stop” të rastit të postierit në Llizha të Elbasanit, që u zhduk me paratë e pensioneve, mbërrin një tjetër denoncim.Pranvera Qyrja dhe bashkëshorti i saj kanë statusin e paraplegjikut, por të dy janë viktima të aktit të Cim Paprrit.Pranvera thotë, se Paprri endet i lirë në Elbasan, madje edhe duke u angazhuar në fushatë elektorale.Në postën e Elbasanit drejtoresha, Klaudia Krasnika, është shkarkuar dhe zëvendësuar me një tjetër, që nuk ka akoma informacionin e nevojshëm.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑