TVSH- një histori abuzimi, probleme dhe zgjidhje në “Stop”.
Naftëtarët e Ballshit protestojnë për mungesën e pagave. Në TVSH në lajmet e mbrëmshme qendrore, zuri vend një speciale mbi “begatinë” në qytetin e Kavajës. Ky transmetim “koicidoi” me dorëheqjen e kryebashkiakut të Kavajës Elvis Rroshi. Qytetarja Nexhmije Ndroqi dhuroi një karrocë për personat e paralizuar për Shkurte Shahun, pas transmetimit në “Stop” të rastit të saj fatkeq. Jetimi Kreshnik Baze do të jetë agjent turistik në Turqi për kompaninë “Global Travel”, pasi shqetësimi i tij u bë publik në “Stop”.
Saga e familjes Toptani, 25 vjet nëpër gjykata për pronën.
Klodiana Toptani ka që nga viti 1993 që endet dyerve të gjykatave në kërkim të pronës së saj. Ka bërë më shumë se 100 seanca me një “pretendent rival” që paraqet dokumenta të falsifikuara. “Stop” iu drejtua Akademise së Shkencave dhe Arkivës së Tiranës, por një dokument i tillë,që paraqitet në gjyq, nuk ekziston.
Shkodër, në pranga drejtoresha dhe infermierja e Qendrës së Zhvillimit Social.
Një ditë më parë “Stop” transmetoi pamje makabre të trajtimit të të sëmurëve në Qendrën e Zhvillimit në Shkodër. Pas hetimit dyjavor janë ndaluar sot drejtoresha Juliana Cepi dhe një infermiere e Qendrës së Zhvillimit Social në këtë qytet, Aida Ymeraj,për “Shpërdorim të detyrës”. Por skandali thellohet më tej, kur zyrtarisht mësohet, se tre femra në moshë madhore, paciente në këtë Qendër, kanë qenë shtatëzanë dhe kanë abortuar në mënyrë të paligjshme.
