E Hënë, 23 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

4.9 milionë dalje në 7 muaj, çmimet e larta i “nxjerrin” shqiptarët jashtë vendit

Deri në korrik, dolën nga vendi 200 mijë shqiptarë më shumë se një vit më parë. Nga pak më shumë se 4.7 milionë në harkun e muajve janar-korrik 2025, këtë vit kanë dalë nga pikat kufitare rreth 4.9 milionë qytetarë. Pjesa dërrmuese e tyre kanë udhëtuar jashtë vendit më shumë se një herë, kryesisht për të kaluar pushimet.

“Është shumë e vërtetë që ka më shumë shqiptarë që po ikin jashtë. Pse? Sepse oferta turistike që po vjen nga jashtë është më e lirë se ajo që hotelet tona ofrojnë”, tha Rrahman Kasa, kreu i Unionit Turistik.

Çmimet e shtrenjta si arsye për të kaluar pushimet jashtë vendit pohohen edhe nga vetë qytetarët që kanë kaluar disa ditë në vijën bregdetare të jugut të vendit.

“Është shumë e vështirë. Unë vetë jam nga Vlora. Nëse nuk do të kisha shtëpinë time, nuk mendoj se do të mundesha. Dhoma këtë vit është shtrenjtuar me 20 euro. Me 10 euro ishte rritur çmimi i shezlongut.”

Po ku po shkojnë shqiptarët këtë verë?

“Po shkojnë në Turqi, në Siçili, pasi tashmë ka dy avionë në javë. Veriu i Greqisë, Halkidiki, është gjithashtu shumë e preferuar”, tha Rrahman Kasa, kreu i Unionit Turistik. Duke marrë të mirëqena shifrat e raportuara nga INSTAT, vetëm në korrik nga vendi dolën mbi 790 mijë qytetarë, 4.4 për qind më shumë se në vitin 2025.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑