Ankth dhe terror kanë përjetuar pasagjerët e një treni në Zvicër, pasi për 4 orë u mbajtën peng nga një 32 vjeçar iranian.

Sipas policisë, 32-vjeçari, i cili mbante në dorë një sëpatë dhe një thikë, është qëlluar për vdekje nga policia.

“Pengjet u liruan të gjithë shëndoshë e mirë,” tha policia në një deklaratë të premten.

Sipas informacioneve, 32-vjeçari iranian kishte aplikuar për azil në Zvicër. Situatat e pengjeve janë të rralla në Zvicër, megjithatë ato kanë ndodhur në të kaluarën në banka dhe biznese.

Në janar të vitit 2022, punëtorët në një fabrikë të orëve u morën peng dhe u detyruan të hapnin një kasafortë që përmbante metale të çmuara.