E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Bota

12-vjeçarja mbijetoi 32 orë nën rrënoja pas tërmetit në Venezuelë: Mendova se do të vdisja

Fabiana Blanco, një vajzë 12-vjeçare nga qyteti bregdetar Caraballeda në Venezuelë, ka rrëfyer momentet dramatike që përjetoi pasi mbeti e bllokuar për 32 orë nën rrënojat e banesës së saj, pas tërmetit shkatërrues me magnitudë 7.5 që goditi vendin më 24 qershor.

Në momentin kur ndodhën lëkundjet, Fabiana ndodhej vetëm në apartament. Ajo u përpoq të strehohej në kuzhinë, por muret e ndërtesës 10-katëshe u shembën, duke e zënë poshtë rrënojave.

“Në atë moment mendova se do të vdisja. Besova se askush nuk do të mund të më shpëtonte”, tregoi ajo.

Ndërsa ishte e bllokuar, Fabiana arriti të lëvizte disa prej rrënojave për të çliruar këmbën e saj dhe gjeti një shishe ketchup dhe pak djathë të grirë, të cilat i konsumoi për të mbijetuar.

“Vetëm ketchup dhe djathi më mbajtën të vetëdijshme”, tha 12-vjeçarja.

Jashtë, nëna e saj, Karina Blanco, jetoi orë të tëra ankthi. Fillimisht mendoi se vajza kishte humbur jetën, por disa orë më vonë mori lajmin se ajo ishte ende gjallë nën rrënoja, shkruan BBC.

Pas disa përpjekjeve të ekipeve të shpëtimit dhe ndihmës së një vullnetari që arriti të komunikonte me vajzën, zjarrfikësit hapën një tunel drejt vendit ku ndodhej Fabiana.

Rreth 32 orë pas tërmetit, ajo u nxor e gjallë nga rrënojat, duke u ribashkuar me familjen e saj mes emocionesh të forta. Pamjet e momentit kur vajza shfaqet duke buzëqeshur nga vrima e hapur në rrënoja u bënë virale në Venezuelë.

Fabiana pësoi vetëm një frakturë në këmbën e majtë dhe disa plagë të lehta, ndërsa tani po rikuperohet pranë familjes së saj.

Sipas autoriteteve venezueliane, deri më tani nga tërmeti janë konfirmuar mbi 3.300 viktima, ndërsa mijëra persona të tjerë rezultojnë ende të zhdukur.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑