Ylli i Saimir Hoxhës vendoset në murin e Kujtesës, Rama: Fëmijët e tij s’do të jenë vetëm – Stop
Lajme, Të Gjitha

Ylli i Saimir Hoxhës vendoset në murin e Kujtesës, Rama: Fëmijët e tij s’do të jenë vetëm

Ylli i nënkomisarit Saimir Hoxha është vendosur në memorialin para Ministrisë së Brendshme bashkë me mbi 200 dëshmorë të tjerë të Policisë.

Rama teksa ka mbajtur një fjalë të shkurtër mes shiut, ka premtuar se fëmijët e tij nuk do të jenë kurrë vetëm.

Të nderuar familjarë të Saimirit, miq dhe kolegë të tij. Ky është një moment i rëndë për ju dhe në tërësi është një moment aspak i lehtë për bashkësinë tonë pasi humbja e jetës në krye të detyrës të punonjësit të policisë është një humbje tragjike që shkon përtej familjes, shkon përtej miqve dhe të afërmve dhe prek shpirtin e një shoqërie dhe të një vendi. Sot ne kemi këtu për të kryer ceremoninë e vendosjes së Yllit të Saimirit në murin e Kujtesës së Policisë së Shtetit pranë dëshmorëve të trupave tona.

Është një kohë e gjatë që kur është vendosur Ylli i mëparshëm dhe në një kuptim është lehtësim që numri i rasteve tragjike është më pak se gishtat e një dore. Statistika nuk ka asnjë rëndësi sepse një jetë e vetme vlen sa të gjitha jetët kur ajo humbet. Ndjej një lehtësim kur mendoj se fëmijët e Dëshmorit të Atdheut nuk do jenë vetëm dhe ne do kujdesemi për ta siç kemi nisur që dje të përkujdesemi për familjen e tij.

Derisa ata të jenë të gatshëm të dalin në jetë. 170% e pagës së babait për fëmijët nuk thotë asnjë gjë në raport me humbjen. Është një lehtësim të mendosh se fëmijët do jenë të shoqëruar për dore jo vetëm nga nëna apo gjyshërit. Nuk do ju mungojë asgjë si të ishte babai i tij përveç mungesës së tij që nuk e zëvendëson dot askush.

Saimir Hoxha u vra dy ditë më parë në krye të detyrës në Vain të Lezhës, nga 21 vjeçari Aldi Rama.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *