Tekstet falas, Rama: Libra të përdorur ka dhe në Francë e Suedi – Stop
Aktualitet, Të Gjitha

Tekstet falas, Rama: Libra të përdorur ka dhe në Francë e Suedi

Kryeministri Edi Rama i shoqëruar nga ministrja e Arsimit, Evis Kushi dhe ministri për Rindërtim Arben Ahmetaj kanë inspektuar ditën e sotme punimet për rindërtimin e shkollës “Gjon Luka” në Fushë –Krujë.

Gjatë inspektimit, Kushi theksoi se përveç ciklit 9-vjeçar, këtë vit tekste falas do të përfitojnë edhe 16 kategori në arsimin e mesëm dhe të lartë.

Më tej ajo njoftoi se nga viti i ardhshëm nga klasa e parë deri në të tretën do të ketë vetëm libra një përdorimsh.

Ndërkohë kreu i qeverisë, shtoi se praktika e librave të përdorur është ndjekur edhe nga vendet e  zhvilluara si Franca edhe Suedia.

Pjesë nga biseda

Evis Kushi: Këtë vit tekste falas do plotësojmë edhe klasat e teta dhe të nënta. Për të plotësuar kështu ciklin bazë.

Tekste falas do përfitojnë edhe 16 kategori në arsimin e mesëm dhe të lartë. Për vitin e ardhshëm kemi parashikuar që nga klasa e parë deri në të tretë, të jenë një përdorimsh. Deri tani kemi vetëm klasën e parë që librat janë çdo vit të reja. Qëllimi nuk është vetëm për të kursyer para por edhe për t’i edukuar nxënësit që të mirëmbajë librin.

Edi Rama: Librat që kalojnë nga një dorë në tjetrën janë dhe në Francë dhe në Suedi.

Evis Kushi: Ndërkohë nga viti tjetër deri në klasën e tretë duke qenë se ka shënime në libra ne do ta bëjmë që të jenë një përdorimsh.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *