“Shqipëria me numrin më të lartë të vdekjeve në Europë nga Covid-19”, Meta thirrje Komitetit Teknik: Duhet ndërhyrë urgjentisht – Stop
Lajme, Të Gjitha

“Shqipëria me numrin më të lartë të vdekjeve në Europë nga Covid-19”, Meta thirrje Komitetit Teknik: Duhet ndërhyrë urgjentisht

TIRANË
Presidenti Ilir Meta ka reaguar përmes një statusi në facebook lidhur me raportin e FMN i cili rendit Shqipërinë si vendin me vdekshmëri më të lartë në Europë nga COVID-19.

Ndërsa kërkon që raportin të merret shumë seriozisht, Meta apelon Komitetin Teknik të ekspertëve dhe autoriteteve të analizojnë me përgjegjësi këto të dhëna si edhe të rishohin protokollet

“Jemi ende në valën e pandemisë dhe ndërhyrjet përmirësuese dhe korrigjuese të masave antiCovid duhet të ndërmerren sa më parë.”- shkruan Meta.

Postimi i plotë:

Renditja e Shqipërisë si vendi me vdekshmëri më të lartë në Europë nga COVID-19 sipas FMN, është një fakt alarmant, që duhet të merret shumë seriozisht, për më tepër që vendi ynë është ende me moshë mesatare më të re të popullatës krahasuar me vendet e tjera të BE.

I bëj thirrje, Komitetit Teknik të ekspertëve dhe autoriteteve të analizojnë me përgjegjësi këto të dhëna, si të rishihen me përgjegjësi të gjitha protokollet, masat për parandalimin dhe trajtimin e pandemisë, në mënyrë transparente dhe bashkëpunuese me qytetarët.

Duhen zbuluar dhe eliminuar pikat e dobëta dhe duhet ndërhyrë urgjentisht për të parandaluar këtë shkallë të lartë të humbjeve të jetëve.

Jemi ende në valën e pandemisë dhe ndërhyrjet përmirësuese dhe korrigjuese të masave antiCovid duhet të ndërmerren sa më parë.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *