Janë përshkallëzuar protestat e qytetarëve kundër masave anti-COVID në Holandë. Mijëra qytetarë u përleshën me policinë, pasi marshuan në Amsterdam për të kundërshtuar vendosjen me detyrimi të vaksinimit.
Protestuesit shpërfillën edhe vendimin e qeverisë për të mos lejuar zhvillimin e tubimeve. Në rrjetet sociale u panë edhe momente kur një protestues u kafshua nga qeni i policisë ndërsa skena kaotike u fotografuan në të gjithë qytetin.
Edhe efektivët e policisë kishin paralajmëruar një protestë për shkak të rritjes së orëve të punës, por sindikata tha se nuk do të braktisej detyra. Të paktën 30 persona u arrestuan pas përleshjeve, ndërsa katër policë mbetën të plagosur, thanë autoritetet.
Që prej nëntorit, kur qeveria vendosi masa kufizuese, shifrat e infektimeve kanë ardhur duke u ulur në Holandë, por për protestuesit, këto masa po kufizojnë liritë e tyre. Masat e rrepta, që ndalojnë grumbullimin e më shumë se dy personave, do të qendrojnë në fuqi deri në 14 janar.
This is Amsterdam, Netherland where the Govt imposed more lockdown measures and vaccine passports.
They banned protests and are using the police to attack protestors.
Tyranny is the new Democracy. pic.twitter.com/tazhPbBauq
— Robert Sapiro (@RobertSapiro9) January 3, 2022
