Ikën Palmer, Gabriel Escobar bëhet i dërguari i ri i SHBA për Ballkanin – Stop
Lajme, Të Gjitha

Ikën Palmer, Gabriel Escobar bëhet i dërguari i ri i SHBA për Ballkanin

Zëvendësambasadori i Shteteve të Bashkuara në Serbi, Gabriel Escobar, do të marrë detyrën e zëvendësndihmës sekretarit për Çështje të Evropës dhe Euroazisë në Departamentin amerikan të Shtetit.

Nga 7 shtatori, Escobar do të ushtrojë detyrën që ka mbajtur deri tani Matthew Palmer. Lajmin e ka konfirmuar për Evropa e Lirë ambasada amerikane në Serbi.

Escobar u emërua në postin e zëvendësshefit të misionit në Ambasadën amerikane në Beograd në gusht 2019.

Diplomat karriere dhe njohës i mirë i Ballkanit, ai është nderuar gjashtë herë nga Departamenti amerikan i Shtetit me Çmimin e Lartë të Nderit dhe një herë me Çmimin për Merita të Larta. Ai po ashtu është nderuar nga DASH-i për Çmimin për Shërbimin Civil si dhe ka marrë Çmimin për Shërbim Ushtarak.

Po ashtu ai ka mbajtur pozita të larta në Ambsadën amerikane në Bagdad, në La Paz, Peshavar si dhe ka qenë udhëheqës i ekipit amerikan për rindërtim në Kirkuk të Irakut.

Gabriel është diplomuar në Universitetin Colombia në Nju-Jork dhe flet gjuhën spanjolle, ruse, italiane, serbe, çeke dhe portugeze.

 

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *