Zeri i Amerikes per Stop: “Ngacmimet seksuale në shkolla një dukuri shqetësuese në Shqipëri.” – Stop
Të Gjitha

Zeri i Amerikes per Stop: “Ngacmimet seksuale në shkolla një dukuri shqetësuese në Shqipëri.”

Menjehere pas arrestimit te mësuesit zhigolo Agron Bego, të Shkollës së Mesme Artistike ne Fier “Jakov Xoxa”, permes nje postimi ne rrjetet sociale ka reaguar dhe Zeri i Amerikes duke thene se rastet e ngacmimit seksual në shkolla vazhdojnë të jenë një dukuri shqetësuese në Shqipëri. Ato dalin në pah pas denoncimeve që bëjnë vetë prindërit ose nga emisionet investigative.

Postimi i plote:

“Pamjet filmike të transmetuara nga emisioni investigativ duket se paraqesin mësuesin tek bën provokime verbale seksuale ndaj nxënëses dhe i ofron ndihmë për heqjen e mungesave në këmbim të intimitetit. Sipas organizatave që mbrojnë fëmijët rastet e ngacmimit seksual në shkolla vazhdojnë të jenë një dukuri shqetësuese në Shqipëri. Ato dalin në pah pas denoncimeve që bëjnë vetë prindërit ose nga emisionet investigative.

Në fillim të muajit shkurt Gjykata e Durrësit dënoi me burgim që varionte nga 3 deri në 6 vite, 7 adoleshentë të cilët u akuzuan një vit më parë për përdhunimin e një 13-vjeçareje në Kavajë, ngjarje që ngjalli reagime të forta të opinionin publik në Shqipëri. Fundvitin e shkuar gjykata e Gjirokastrës dënoi me tre vjet e gjysmë burg një mësues, i cili u gjet fajtor për veprën penale “ngacmim seksual” të një nxënëseje në një shkollë në një zonë rurale të Delvinës. Po në Gjykatën e Gjirokastrës, po zhvillohet një tjetër proces gjyqësor në ngarkim të një mësuesi në Tepelenë i cili akuzohet për “vepra të turpshme me të mitur”./ VOA

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *