Vlore/ Banakieri borxhli ne tatime, pronari i lokalit e regjistroi si administrator-Stop-21 Prill 2021

Mariglen Leka pohon, se në vitet 2016-2017 ka punuar si banakier në një bar-kafe në qytetin e Vlorës, të njohur si “Bar Rei”, i punësuar nga Adhurim Demiri.I riu thotë, se ka punuar aty 6-7 muaj dhe më pas ka ardhur në Tiranë.Në vitin 2019, shkon pranë një banke për të kryer disa veprime dhe i thonë, se llogaria e tij është bllokuar nga Bashkia e Vlorës.Marigleni shkon në Vlorë dhe aty kupton, se është debitor i një shumë të madhe parash, rreth 24 milionë lekë të vjetra, pasi nuk ka paguar detyrime dhe taksa kundrejt Drejtorisë Rajonale të Tatimeve, Tatimeve dhe Taksave Vendore të bashkisë.Pasi interesohet për borxhet e paditura, i thonë, se ai rezulton administrator i subjektit “Bar Kafe Rei” dhe nuk ka shlyer detyrimet e bisnesit, pasi figuronte i regjistruar me Nipt në emrin e tij në të gjitha dokumentet.Në këtë moment, sic ka deklaruar edhe në prokurorinë e Vlorës, Marigleni ka njoftuar ish-pronarin, Adhurim Demiri dhe ky i fundit i ka thënë, se do ta rregullojë me ekonomistin. Më pas u shpreh, se duhet të presë për ndonjë amnisti.

Të Fundit