Viti i Ri 2025, ka ardhur me binjakë! Në minutat e para te vitit te ri 2025 vetëm dy bebet e para kanë ardhur në jetë në maternitetin “Mbretëresha Geraldinë”. Ares dhe Rajd, janë foshnjat e para të këtij viti.
Lajmin e ka bërë të ditur ministrja e Shëndetësisë, Albana Koçiu.
“Mirë se erdhët Ares dhe Rajd, jetë të gjatë e paçi këmbën e mbarë❤️
Këto janë binjakët e vitit 2025, që lindën shëndosh e mirë në maternitetin “Mbretëresha Geraldinë”, me të trokitur ora 12:00”,-shkruan ministrja Albana Koçiu.
Edhe kryeministri Rama ka uruar për ardhjen në jetë të dy vogëlushëve:
“Çfarë viti filloi 😍😍
Mirëserdhët Ares dhe Rajd, jetë të gjatë dhe me këmbën e mbarë❤️❤️
Këto janë binjakët e vitit 2025, që na u bashkuan shëndosh e mirë si lajmës të një viti me bereqet, në maternitetin “Mbretëresha Geraldinë”, me të trokitur ora 12:00”, shkruan Rama.
