Deputeti i Partisë Demokratike, Ervin Salianji ka folur për mediat pas situatës së krijuar në selinë blu. Salianji tha se brenda selisë së PD kishte gra shtatzëna dhe njerëz të sëmurë që u shtrinë brenda pas dhunës së drejtuar ndaj përfaqësuesve të Partisë Demokratike.

“Kishte gra shtatzënë që janë drejtuese të PD-së, njerëz të sëmurë që u shtrinë brenda ambienteve. Ishte një dhunë ekstreme e drejtuar ndaj përfaqësuesve më të lartë të PD-së. Nuk e di pse u zgjodh kjo dhe a ndihen të turpëruar. Unë ndihem i turpëruar edhe duke qenë aty që PD të eskalojë në dhunë.

Nuk është se PD dhe lidershipi nuk kanë gabime, por nuk është kjo rruga që ringrihet PD-ja dhe mundet Rama. Të gjithë ata i përdorën sot si “mish për top”. Sali Berisha nuk ka më asnjë funksion në PD. Cdo person non grata nuk mund të ketë asnjë funksion. Nuk zgjidhen këto me pushkë, armë dhe dhunë. Unë do të kërkoj që të mbahet përgjegjës cilido për aktet e dhunës”-tha Salianji.