Kirurgët amerikanë transplantuan me sukses një zemër derri të modifikuar gjenetikisht në një njeri të gjallë për herë të parë në fillim të këtij muaji. Ky moment shënoi një risi në historinë e mjekësisë.

Dhe për të mbajtur rrahjet e zemrës së derrit të modifikuar nga gjenet gjatë operacionit të gjatë, kirurgët përdorën: kokainën, raporton Vice.

Kirurgët madje duhej të merrnin leje nga Administrata e Zbatimit të Drogës për ta përdorur.

“Emri i kokainës shfaqet dhe të gjithë mendojnë, ‘O Zot, çfarë po bën kokaina këtu?’”, tha për Vice Muhammad Mohiuddin, drejtor i ksenotransplantimit kardiak në Qendrën Mjekësore të Universitetit të Maryland.

“Ilaçi u injektua në zemër për të zgjatur jetëgjatësinë e saj”. “Nëse ne nuk do e përdornim këtë zgjidhje, do kishim dështuar brenda 48 orëve,” shpjegoi kirurgu. “Por kur filluam ta përdornim këtë, zemra u ruajt mirë dhe filloi të rrihte shumë mirë.”

Përpara se zemra e derrit të transportohej në Shtetet e Bashkuara, ajo u forcua me kokainë nga kompania suedeze e teknologjisë mjekësore XVIVO.

Dr. Mohamed Mohyudin shpjegoi se si u përdor kokaina në një përzierje hormonesh, duke përfshirë kortizolin dhe adrenalinën, që parandalojnë përkeqësimin e indeve të gjalla gjatë udhëtimit të gjatë në Maryland.

Shkencëtarët ende nuk e dinë pse saktësisht kokaina është një mënyrë efektive për të ruajtur zemrat – por një gjë është e sigurt: pa drogë, zemra ka të ngjarë të ishte refuzuar nga trupi i marrësit.

“Është si një transplant nga njeriu te njeriu, ku ju duhet të përdorni ende drogë, por ju e dini se mund ta kontrolloni atë”, tha Mohiuddin për Vice. “Nëse nuk do ta kishim bërë këtë, refuzimi nga trupi i njeriut ndodh brenda pak minutash dhe organi është i padobishëm.”