Presidenti i Serbisë, Aleksandër Vuçiç ka shprehur një mesazh ngushëllimi për zjarrin e rënë në spitalin Covid në Tetovë të Maqedonisë së Veriut, ku deri tani janë konfirmuar 14 viktima.

Teksa shpreh ngushëllimet, Vuçiç thotë se është gati për të ofruar çdo ndihmë vëllazërore.

“ Ndajmë dhimbjen me njerëzit e Maqedonisë Veriore. Jemi të gatshëm për të ofruar çdo ndihmë vëllazërore. Në emrin tim dhe në emër të qytetarëve të Serbisë, shprehim ngushëllimet  për familjet e viktimave dhe qytetarët e Maqedonisë Veriore, të cilët u plagosën iu urojmë shërim sa më të shpejtë”, shkruan Vuçiç.