Në 31 janar 2017, rreth 2 vjet më parë, emisioni “Stop” transmetoi rastin e korrupsionit në gjykatën e Elbasanit.Më zë dhe figurë, u pa, sesi gjyqtarja Pajtime Fetahu, liroi nga burgu qytetarin Kristjan Leka, pasi sekseri mori 2 000 euro nën dorë, për të kryer këtë punë.Zonja Fetahu investohet të lirojë personin në fjalë, duke e rregulluar edhe me prokuroren. Por pavarësisht videos dhe pezullimit, që i bëri KLD-ja pas transmetimit, gjyqtarja Pajtime Fetahu arrin të kthehet në detyrë dhe sot ka paditur emisionin “Stop”,për dëmtim të imazhit të saj. Në fakt ishin sekserët, që morën para në emër të saj dhe akti i lirimit të Kristjan Lekës, akuza më e fortë dhe flagrante ndaj gjyqtares.