STOP – 18 Janar 2018 EMISIONI 99 (SEZONI 3)

U shtofshin festat zyrtare! Rama me drejtuesit e hipotekës e Aluizni-t.
Në kalendarin e festave zyrtare, administratës i shtohet një tjetër ditë pushimi. Bëhet fjalë për 5 shtatorin, që është data e shenjtërimit të Nënë Terezës.Edhe lumnimi i Nënë Terezës në 19 tetor është gjithashtu festë zyrtare.Por në Britaninë e Madhe është emëruar një ministër për vetminë, si një plagë sociale e kohëve moderne.Kryeministri Rama u takua sot me drejtuesit rajonalë të hipotekave dhe Aluizni-t, të cilëve u tha, se do të ikin para drejtësisë,nëse zvarrisin problemet e qytetarëve. Por “Stop” sjell rradhët e gjata, ditën e djeshme në zyrat e Aluizni-t të Tiranës. Po kështu, një tjetër video tregon rradhë masive në ambientet e poliklinikës në Vlorë.

Bashkia Peshkopi lidh kontratë të jashtëligjshme për transportin e nxënësve.

Lefter Muça tregon se prej vitesh ka shërbyer si shofer për transportin e nxënësve në Maqellarë të Peshkopisë. Por tani bashkia ka lidhur një kontratë me një tjetër kompani, duke shkelur vendimin e datës 4 Maj 2017 të qeverisë, që këtë proces duhet ta menaxhojë DAR-i rajonal. Ndërsa kontrata e re është lidhur në 16 Gusht 2017.

Këtë problem e pohon edhe drejtori i shkollës në Maqellarë. Nxënësit e shkollës 9-vjeçare vazhdojnë të shkojnë e të vijnë nga shkolla me Lefterin.

Nënkryetari i Bashkisë Peshkopi, Ilir Vraniqi pranon se kontrata e re nuk është e ligjshme dhe ia kalon problemin Zyrës së Prokurimeve në Bashki dhe DAR-it Peshkopi.

Për dy ditë, që grupi i xhirimit i emisionit “Stop” qëndroi në Peshkopi, kryebashkiaku Muharrem Rama “u zhduk” nga qarkullimi.

“Pasi bëra 2 vite e gjysmë punë dhe pasi bëra kisha bërë disa rrugë me mësues për trajnime në Peshkopi, më paraqitet një shofer dhe më thotë që ti këtë punë duhet ta lesh, pasi unë kam fituar tenderin në Bashki. Komuniteti i prindërve dhe i nxënësve nuk është dakort që fëmijët e tyre t’i çojnë me atë shofer, pasi ai nuk është pjesëtar i fshatit dhe as i komunës që ne jetojmë. Ai vjen nga komuna Mur, me një distancë rreth 60 km dhe fëmijët nuk e njohin. Deri në këtë moment që po flasim këta nxënës transportohen nga unë falas. Ka gati 4 muaj e ca që mua nuk më është dhënë asnjë lekë”.

 

Fëmijët pohuan se Lefteri vazhdon t’i shoqërojë në shtëpi. Gazetari i emisionit “Stop” iu drejtua Bashkisë Peshkopi për të mësuar më tepër rreth këtij tenderi.

Ilir Vraniqi, nënkryetari i Bashkisë u shpreh se tenderimi ka nisur më 2 Qershor 2017, ndërsa kontrata është lidhur më 16 Gusht me të vetmin subjekt pjesëmarrës në tender.

Përsa i përket vendimit të Këshillit të Ministrave, që ia kaluar kompetencën Drejtorisë Arsimore për të zhvilluar tendera për transportin e mësuesve dhe nxënësve, nënkryetari tha se nuk ishte në dijeni dhe ia kaloi problemin Zyrës së Prokurimeve.

Pra, kontrata e lidhur për shërbimin e transportit për nxënësit dhe mësuesit, e cila mban firmën e kryetarit të Bashkisë Peshkopi, Muharrem Rama, është e jashtëligjshme.

Nxënësit sëbashku me prindërit e tyre shkuan pranë bashkisë për të protestuar, pasi nuk kanë marrë asnjë përgjigje nga peticionet që i kanë drejtuar Drejtorisë Arsimore dhe drejtorisë së shkollës 9–vjeçare.  

“Kemi këtë shoferin, Lefter Muça që u ka shërbyer fëmijëve tanë, jo vetëm në kohën që ka hyrë në punë, janë rritur fëmijët me këtë njeri. Ne i kërkojmë bashkisë të paguhet personi dhe të vazhdojë punën derisa të na mbushet mendja ose përndryshe do të nxjerrim fëmijët nga shkolla”, u shpreh një prind.

Ndërsa një tjetër shprehet se shoferi duhet të jetë banor i fshatit, duke thënë: “Është mëse normale që shoferi të jetë prej fshatit. Ka borë, shi, ka çdo gjë, vjen s’vjen shoferi tjetër. Është problemi që ai përshembull i merr në mëngjes, pasdite nuk i sjell!”

Kryeplaku i Maqellarës i kërkoi Bashkisë Peshkopi që të paguajnë Lefterin si shofer, sepse fëmijët nuk do të transportohen nga shoferi që kanë përzgjedhur ata.

Kryetari i bashkisë, Muharrem Rama, pas një investigimi të mëparshëm të emisionit “Stop”, kërkoi që të paralajmërohej për çdo vizitë të saj, në mënyrë që ta mirëpresin.

Por sapo mori vesh për rikthimin e emisionit “Stop” në Peshkopi u “zhduk” për dy ditë.

Dita e parë

Kryetari i Bashkisë – Po prit mo njëherë! Duro, o burrë i dheut, sepse unë i kam punët lëmsh, ti i merr hov muhabetit. A … gjit boj duro, mo njeri!

Lefter Muça – A do takohemi apo do flasim në telefon?

Kryetari i Bashkisë – Po do takohemi, por jo sot se jam në një… Do lëviz, do shkoj deri në Maqellarë.

Dita e dytë

Gazetari – Është kryetari?

Punonjësi i BashkisëJo …

Kjo çështje duhet të ndiqet nga prokuroria, u shpreh Saimir Kodra, pasi kryetari i Bashkisë Peshkopi ka firmosur jashtë kompetencave të tij, duke shkelur një vendim të Këshillit të Ministrave.

Merr fund odiseja e qytetares Nermine Ali për shtëpinë, që i takonte.
Një vit më parë, në 31 janar emisioni “Stop” transmetoi rastin abuziv të noteres Lindita Kokona, e cila nxorri pa shtëpi qytetaren Nermine Ali, me anë të një kontrate false.Pas publikimit në emisionin të rastit flagrant, Gjykata e Apelit Tiranë, vendosi t’i pranojë zonjës kërkesë-padinë, duke nxjerrë të pavlefshme kontratën problematike.Rreth një muaj më parë, në dhjetor 2017, Nermine Ali merr në dorë certifikatën e pronësisë për pjesën e shtëpisë,që i takonte dhe falenderon emisionin “Stop” për zgjidhjen.

Të Fundit