Këto ditë në ambientin politik në vend ka dominuar debati mbi një pajisje që opozita pretendon, se është marrë në mënyrë të paligjshme nga ministria e brendshmë për përgjime.Kryeministri Rama ishte në Bradashesh, për të shpërndarë certifikata pronësie për tokat bujqësore dhe e shoqëroi fjalën e tij me batuta, ngacmime dhe humor. Prokuroria në mënyrë absurde kërkoi llogari mbi një material kamera të fshehtë, që transmetoi “Stop” për provimin e anglishtes.

 

 

Ish-të përndjekurit, e drejta që nuk vihet në vend…

Presidenti Bujar Nishani ishte në aktivitetin e 25 vjetorit të krijimit të shoqatës së ish-të përndjekurve politikë dhe foli për vlerat e kësaj shtrese, që historia duhet ta verë në piedestal. Por “Stop” sjell 3 raste kur ish- të përndjekurit nuk arrijnë të marrin atë, që u takon me ligj, dëmshpërblimin për vitet e burgut. Preng Marku, Vladimir Gjoka, Perikli Shqevi dhe Fadil Paja janë disa nga personat e kësaj shtrese që nuk e gjejnë ende të drejtën e tyre, edhe 25 vjet pas rënies së sistemit komunist.

“Stop” është ndalur sërish në problematikën e dherave pranë TEG-ut, duke kujtuar situatën dhe lëvizjet në këtë drejtim.