Në prill të këtij viti një qytetar denoncoi përmbaruesin privat Besnik Bajraktari, të cilit i ka paguar borxhin, sipas marrëveshjes, por përmbaruesi ia ka tjetërsuar dhe marrë vilën dy katëshe.Historia nisi me dhënien me fajde të 50 mijë eurove, shumë, që nuk u shlye në kohë dhe cështja shkoi në përmbarim. Për 50 mijë eurot u nënshkrua një marrëveshje, që të shlyhej për 10 muaj nga 5 mijë euro në muaj.Por përmbaruesi privat prishi tre muaj para marrëveshjen, duke mos njoftuar debitorin dhe në këtë mënyrë i mori dhe vilën dy katëshe, në një kohë, që 50 mijë eurot u shlyen në 10 muaj sipas dakordësisë.Klecka, që përdori përmbaruesi, ishte, se njoftimin për prishje të marrëveshjes, e kishte bërë në vendlindjen e debitorit, në Milot dhe jo në Tiranë, ku ka vilën e banimit.Me këtë manovër dhe në fshehtësi përmbaruesi bëri procedurën për marrjen e vilës 2 katëshe, duke e shitur me ankand abuziv për 34 mijë euro.Historia vazhdon, pasi këto ditë Bajraktari ka kërkuar mbështetjen e Komisariatit nr.4, për t’i marrë shtëpinë Besnik Allamanit. Policët nuk japin shpjegime, se ku e kanë bazuar procedurën, kur borxhi është shlyer.Përmbaruesi shkeli sërish ligjin, duke tentuar të ndërrojë bravat e vilës dykatëshe, por pasi gazetari i “Stop” e konstatoi këtë akt, Besnik Bajraktari u tërhoq.
Gjatë një takimi të kryetarit të PD-së në Memaliaj, një qytetari i ra telefoni, ndërsa po fliste me Berishën. Por qytetari, jo vetëm që nuk denjoi të përgjigjej, por nxorri telefonin nga xhepi dhe e flaku tutje.
Në mars 2022 “Stop” transmetoi një rast dhune në fshatin Kodër të Bashkisë Tepelenë.Brunilda Gaxhi, nënë e dy fëmijëve u dhunua rëndë në fytyrë nga djali i fqinjit, Stavri Xhima. Ditën e agresionit, më 24 shkurt 2022, Brunilda ishte duke nxjerrë rrënjë bimësh medicinale, afër banesës me bashkëshortin Jani.Drejt tyre u afrua Stavri, i cili i akuzoi, se qeni i tyre u kishte ngrënë delet. Më pas ai e qëlloi me dru në fytyrë zonjën, e cila ra pa ndjenja.Bashkëshorti e transportoi gruan në komisariatin e Tepelenës.Familja Gaxhi kërkoi drejtësi.Sot bashkëshorti i Brunildës, Jani Gaxhi denoncon faktin, se për ktë vepër të rëndë, prokurori vendosi 9 muaj burg, me shkurtim 6 muaj. Por më pas, gjykata vendosi vetëm dy muaj heqje lirie për agresorin Stavri Xhima.
