Gjon Mula tregon, se ka bërë një aksident në vitin 2021 në Balldre të Lezhës dhe nga goditja pati pasoja serioze në kokë. Pasi Gjoni doli nga Spitali i Traumës, atij i vjen në shtëpi avokate Eriselda Abazaj me një kolege dhe një notere, duke i premtuar të ndiqte cështjen e dëmshpërblimit në favor të tij. Gjonit iu tha, se do të fitonte miliona, që do t’i merrte me këste. Në këto kushte Gjoni firmosi prokurën e përfaqësimit, duke i dhënë të drejtën Eriseldës, për të ndjekur cështjen e aksidentit të tij. Për 7 muaj Gjoni nuk mori asnjë informacion nga avokatja e tij, ndaj u detyrua t’i revokojë prokurën dhe të marrë avokat tjetër.Por Eriselda Abazaj në prokurën, që i kishte marrë Gjonit, kishte shkruar një paragraf absurd, sipas të cilit, nëse Gjoni do t’i hiqte përfaqësimin asaj dhe do të merrte një avokat tjetër, ajo mund ta prishë këtë akord në vend të Gjonit.vetë Eriselda, e kontaktuar nga gazetari i emisionit, i la takim këtij të fundit, por më pas u shmang.Ne mësuam, se zonja Gjoni ka bërë marrëveshje me kompaninë e sigurimit për 5-10 milionë lekë dëmshpërblim. Por vetë Gjoni nuk ka marrë asnjë lek.Cështja e mashtrimit ka shkuar edhe në Prokurorinë e Tiranës, ku është klasifikuar si civile. Por gjykata e ka kthyer sërish për hetim.

Në 14 mars transmetuam denoncimin e zonjës Besarda Mehmetaj. Ajo tregoi, se ka një fëmijë 1 vjec, që e regjistroi në janar në cerdhen numër 3 “Dritë” në Kamëz. Por pasi e linte fëmijën, e thërriste edukatorja, duke i thënë, që po qante. Situata arriti deri në pikën, që edukatore Xhensila i tha, se mund ta linte fëmijën në kopsht deri në fund të javës, pasi nuk merreshin dot me të.Besarda shpjegoi, se u detyrua të marrë një zonjë, që t’i mbante djalin.Me kamera të fshehtë, nëna e fëmijës takoi drejtoreshën e cerdhes “Dritë”, e cila gjithashtu i tha, se djalin duhet ta mbante në shtëpi, pasi nuk kanë, se cfarë t’i bëjnë. Pas transmetimit të rastit, Rakip Suli, kryetari i Bashkisë Kamëz, tha, se është prekur nga edukatorja dhe drejtoresha, që janë sjellë pa etikë me familjarët e fëmijës, ndaj i ka dhënë të dyjave masë disiplinore “paralajmërim për largim nga puna”.

Mushkonjat janë bërë si ushtri në zonën e liqenit. Një qytetar ka treguar me video, që e ka sjellë në redaksinë tonë, sesi është sulmuar nga mushkonjat karroca e fëmijës së tij, që e kishte nxjerrë për një xhiro në ajër të pastër.