Varvara Kapurani, një 77 vjecare nga Elbasani, tregon, se pas vdekjes së të shoqit dhe pas 55 viteve martesë, ka mbetur në mes të katër rrugëve.Ajo thotë, se kur qante të shoqin, njëra nga tre vajzat e saj, i merr letrat e shtëpisë, duke arritur t’i marrë pronën e ta nxjerrë jashtë.Gjithcka nisi, pasi një ditë cifti i të moshuarve u paraqit në zyrën e noteres Ilda Peza, për t’i dhënë adresën, sikur e bija banonte në shtëpinë e tyre, në mënyrë, që vajza të merrte kemp për të birin e sëmurë.Pas vdekjes së të shoqit Tili Kapurani, Varvara shkoi tek e bija në Greqi, ku mësoi, se kishte mbetur pa shtëpi, të cilën ia kishte zaptuar, vajza, Drita.E moshuara e denoncoi në polici, ku mëson, se vajza kishte një akt dhurimi nga aj vetë dhe bashkëshorti i ndjerë. Por Varvara thotë, se nuk di as të shkruajë e as të lexojë. Në këto kushte, gjykata vendosi, që të bllokohet shtëpia, por vajza zaptuese është futur brenda.
Në 16 mars transmetuam një denoncim për Ujësjellësin e Gjirokastrës. Sipas denoncimit Drejtori Rajonal, Genti Llogo, ka punësuar kushërinjtë në sektorë kycë. Vetë drejtori Genti Llogo, mohoi të kishte punësuar kushërinjtë, por në fund të bisedës pranoi, se punonjësit janë të afërm të tij.Drejtori tjetër, Iljaz Memushi, i UKGJ ka 6 muaj në këtë detyrë, por thuhet, që ai nuk ka shkollë të lartë dhe në orarin zyrtar, punon dhe si taksist në të zezë.Me anë të kameras së fshehtë ne morëm Memushin për shërbim taksi dhe ai na coi në Kakavijë.Gjatë rrugës ai foli, sesi funksionin ujësjellësi, duke pritur edhe telefonatat e punës në ujësjellës për cështje faturash.Por në mbrojtje të kolegut taxi, ka dalë drejtoresha e tatimeve Valentina Gjoka, e cila me anë të një statusi, ka mbajtur anën e Iljaz Memushit.Në 23 shkurt transmetuam një rast nga Elbasani. Gjatë investigimit, grupi i xhirimit i “Stop” ishte në makinën e parkuar para Gjykatës dhe Prokurorisë. Por forcat operacionale dhe ato Shqiponja, në abuzim me detyrën, filluan një kontroll të paligjshëm fizik dhe të automjetit të emisionit “Stop”. Ndërkohë gazetari kërkoi pa sukses një dokument, apo urdhër për këtë procedurë të Policisë së Shtetit.Pas këtij incidenti, drejtori i përgjithshëm i policisë Muhamet Rrumbullaku urdhëroi drejtorinë e Standardeve Profesionale për ngritjen e një grupi të posacëm hetimi për verifikimin e rastit. Në përfundim të këtij procesi, drejtori Rrumbullaku njofton me një shkresë zyrtare, se janë marrë masat disiplinore “shtyrje e afatit të gradimit” dhe “vërejtje me paralajmërim për përjashtim nga Policia e Shtetit, për moszbatim të procedurave standarde të punës” për punonjësit e policisë të shfaqur në video.
Për cështjen e shtëpisë së të moshuarës Varvara Kapurani, të cilën ia zaptoi e bija në bashkëpunim me noteren Ilda Peza, kjo e fundit ka shkelur disa pika në ligjin e noterisë. Ajo nuk ia ka lexuar zonjës Kapurani dokumentin, që duhet të nënshkruante. E moshuara pretendon, se nuk di as të shkruajë e as ta lexojë.Noterja nuk ka parë origjinën e pronës e nuk ka kërkuar raport mjeko-ligjor për aftësinë mendore të 77 vjecares.Vetë e moshuara, me njërën nga vajzat, shkon të takojë noteren Ilda Peza, por ajo nuk pranon asgjë, dhe thotë, se cështja duhet ndjekur në prokurori.Edhe me gazetaren e “Stop” noterja mban të njejtin qëndrim, duke mos dhënë shpjegime, sesi e tjetërsoi pronën e 77 vjecares Varvara Kapurani, duke e nxjerrë atë në rrugë, në shkelje të ligjit të noterisë.