Kemi udhëtuar drejt fshatit Tamarë, në njësinë administrative Kelmend.

Përvec gjithë elementëve pozitivë të natyrës, në Tamarë ka edhe problematika. Në këtë fshat ndodhet një konvikt për të gjithë nxënësit e fshatrave

përreth, të cilët duan të shkollohen në shkollën e Tamarës. Por kujt i

shërben ky konvikt? Në redaksinë e emisionit Stop ka mbërritur një informacion, se në këtë konvikt janë të punësuar plot 8 punonjës:një kujdestare, një

magaziniere, një sanitare, një punonjëse mirëmbajtjeje dhe 3 roje.

Këta punonjës marrin rrogën për një godinë boshe pasi, sipas informacioneve, në këtë konvikt nuk fle asnjë nxënës.Drejtoresha e shkollës Tamarë thotë, se shërbimi i konviktit funksionon dhe është në dispozicion. Sipas saj në konvikt flenë 16-17 nxënës.Në një dokument të afishuar tregohen oraret e veprimtarive të ndryshme të nxënësve dhe në orën 14:00 është dreka. Në orën 14:00, që ne ishim në konvikt, nuk kishte asnjë nxënës.Pasi mbaruan mësimin, vetëm 4 nxënës u ngjitën në konvikt dhe pas 10 minutash dolën sërish dhe morën transportin për në shtëpinë e tyre. Edhe pse nuk ka nxënës konviktorë, sërish Bashkia e Malësisë së Madhe ka investuar në këtë konvikt plot 21 milionë lekë të vjetra. Por kushtet aty janë skandaloze.

Në 21 qeshor 2021 transmetuam denoncimin e zonjës Alketa Duro. Ajo tregoi manipulimin e aksidentit, që i mori jetën vajzës së saj 17 vjecare Ana.Ngjarja ka ndodhur në 15 mars 2019 në plazh Borsh. Dy të rinjtë, e bija dhe i dashuri, ishin me makinën e familjes së vajzës, pasi familjet ishin në dijeni të lidhjes së Anës me të riun Roberto Dhuli.Atë pasdite rreth orës 17:00 makina del nga kontrolli dhe bie në një kanal kullues në anë të rrugës, duke shkaktuar humbjen e jetës për 17 vjecaren, ndërsa djali shpëton. Cështja e aksidentit Borsh duhej të hetohej nga Prokuroria e Vlorës, por në mënyrë të cuditshme, këtë dosje e mori Saranda, prokurori Lorenc Merkuri. Ky i fundit pas 4 ditësh e mbylli dosjen, duke bërë fajtore viktimën. Hetimi u shkatërrua pa filluar, pasi trupit të të ndjerës nuk iu bë autopsi, për të kuptuar shkaqet e vdekjes. Apeli i Gjirokastrës evidentoi të gjitha këto mangësi.Cështja e aksidentit Borsh u trajtua si lojë ping-pongu, duke kaluar në Sarandë, Gjirokastër,Vlorë e Tiranë. “Stop” ka mësuar, se së fundi cështja ndodhet në Vlorë, në dorë të prokurores Flora Çela.Sot pas dy vitesh, nëna e të ndjerës 17 vjecare kërkon sërish drejtësi, pasi prokuroria Vlorë nuk ka ecur fare me cështjen e aksidentit.