Kryeministri Edi Rama ka thënë se është krenar për bilancin në shëndetësi duke thënë se strategjia ishte e mirë dhe Shqipëria doli me bilanc pozitiv nga pandemia.
Rama thotë se ekonomia është sfida e madhe e Shqipërisë, duke kërkuar që në këtë 4- mujor të dytë, maj- gusht të ketë një rezistencë dhe më pas në 4- mujorin e fundit të marrë vrull ekonoia familjare dhe kombëtare.
Më pas në 2021 Rama siguron se do të normalizohen parametrat dhe jo vetëm do të ringrihet ekonomia.
”Por ama unë e kam thënë gjithmonë, padiskutim që askush askush në këtë vend nuk lihet pa trajtim dhe kurim apo të vdesin për lekë. Është e pavërtetë.
Ky bilanc I kësaj situate është që do na bëjë krenarë. Jam krenar si kemi përballuar sfidën kaq ekstreme globale që gjunjëzoi shtete shumë më të fuqishme, të ditura, të zvhilluara se sa ne. E përballuam me modestinë e vetëdijes që kemi kufizime dhe duhet të marrim masa më të shpejta dhe më ekstreme. Sot do ishim duke vajtuar dhe nuk do ishim duke u ankuar pse e bëmë. Ne e bëmë dhe dolëm me kaq gjë. Bilanci është pozitiv. Mbetet sfida e madhe e pasojave që kjo luftë ka lënë në ekonominë e familjeve dhe atë kombëtare. Ne do i adresojmë këto pasoja, përtej çfarë thuhet. Do të arrijmë të rezistojmë mirë, deri në fundin e këtij 4-mujori të dytë të këtij viti, 4- mujorin e tretë rikthejmë parametrat dhe do marrim vrull për të kapërcyer pasojat në 2021 kur rikthehen parametrat por edhe më shumë se kaq.”- tha Rama.
