Rama e pranon hapur: Me qeverinë e Kosovës gjërat nuk shkojnë vaj – Stop
Lajme, Të Gjitha

Rama e pranon hapur: Me qeverinë e Kosovës gjërat nuk shkojnë vaj

Kryeministri Edi Rama ka pranuar edhe njëherë ditën e sotme se jo gjithçka shkon mirë në marrëdhëniet me qeverinë e Kosovës dhe kryeministrin  Albin Kurti pas përplasjeve për nismën e “Ballkanit të Hapur”.

Kujtojmë se për këtë nismë Prishtina është pozicionuar hapur, kundër. Megjithatë, në fjalën e tij  Rama tha se ne do të punojmë me përkushtim me qeverinë e Kosovës për projektet mes dy vendeve.

“Duhet një qasje dhe cilësi e re në marrëdhëniet me Kuvendin e Kosovës, duhet të jemi shumë më të pranishëm në Prishtinë për të diskutuar atje për të ndarë opinione në interes të dy shteteve dhe do i ftojmë shumë më tepër ata.

Me qeverinë e Kosovës gjërat nuk shkojnë vaj dhe mosdakordësia për “Ballkanin e Hapur” ka marrë një peshë të pamerituar në këtë mes, por ne do të punojmë me përkushtim që me qeverinë e Kosovës të kemi marrëdhënie sa më vëllazërore duke u përkushtuar në ato punë dhe drejtime që na bashkojnë dhe duke trajtuar me durim mosdakordësinë për “Ballkanin e Hapur” që është zgjedhje e drejtë për të ardhmen e këtij vendi dhe rajoni ku sa më shumë të hapemi dhe ndërveprojmë aq më shumë do të forcohemi në funksion të perspektivës europiane.

“Ballkani i Hapur” në bën më të fortë si Shqipëri dhe faktor shqiptar” tha Rama.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *