Për dy ditë rresht kryeministri Edi Rama mblodhi në një takim ministrat për të diskutuar për qeverisjen në vitin 2023.

Mbledhja maratonë ka zgjatur mbi 16 orë, ndërsa në përfundim Rama ka publikuar edhe një video, ku ndër të tjera thotë se “Në bazë të 2022 kemi arsye të besojmë se 2023 do të bëjnë tërmet”, një frazë e përdorur nga Damian Gjiknuri pas zgjedhjeve në Dibër.

“Maratona e diskutimit të fillimvitit në qeveri sapo mbaroi pas 16 orë e 25 minutash, ku kaluam në skaner çdo sektor për vitin që sapo iku dhe debatuam e miratuam objektivat konkretë të këtij Viti të Ri, i cili do të jetë një vit më pranë njerëzve, duke u nisur gjithnjë nga ata më në nevojë”, shkruan Rama në Facebook.