“Policët tradhtojnë ligjin” Braçe: Armët qarkullojnë lirisht. – Stop
Aktualitet, Të Gjitha

“Policët tradhtojnë ligjin” Braçe: Armët qarkullojnë lirisht.

Zv/ kryeministri Erion Braçe ka thënë se në vendin tonë bëhet tregti me vitet e burgut për personat të cilët lëvizin me armë pa leje.

Përmes një statusi në rrjetet sociale, duke iu referuar lajmeve për arrestimin e personave që kapen me armë në brez, Braçe shprehet se ky treg nis me policë të korruptuar dhe vijon deri te prokurorët dhe gjykatësit që janë ende në sistem. Sipas tij, arsyeja që armët qarkullojnë lirisht është pandëshkueshmëria.

Braçe shprehet se ky treg duhet shkatërruar me ndëshkim gjithëpërfshirës dhe monitorim dhe kallëzim të çdo rasti që kapet me armë pa leje dhe nuk dënohet me 5 vite burg.

“Arma në brez ka dysheme 5 vite në burg. Asnjë ditë më pak. Ligji është shumë i qartë. Kush mban armë pa leje dënohet deri në 7 vite burg. Shoh çdo ditë njoftime të policisë që kapen me armë pa leje. Në makinë, me vete, në publik! Sa janë dënuar nga këta?

Sa janë në burg nga këta? Ka një arsye që armët qarkullojnë lirisht. Pandëshkueshmëria. Nuk ka trim që bën 5 vite burg për armën në brez pa një garanci që nuk mbyllet 5 vite brenda. Ka një treg të viteve të burgut për armëmbajtjen pa leje ta themi siç është.

Nis me policë të korruptuar që tradhtojnë ligjin dhe kolegët, vijon me prokurorë dhe gjykatës të korruptuar ende në sistem. Ky treg duhet shkatërruar. Me ndëshkim gjithëpërfshirës. Patjetër edhe me monitorim e kallëzim të çdo rasti të armëmbajtjes pa leje që kapet nga policia e nuk dënohet me 5 vite burg”, shkruan Braçe.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *