Jemi në Shkodër pas një denoncimi ndaj rektores së Universitetit “Luigj Gurakuqi”,Suzana Golemi dhe pedagoges Donalda Laçej, që jep lëndën biokimi mjeksore për 3 degët, mami, infermieri dhe fizioterapi. Nga 120 studente, 110 prej tyre, janë ngelës në lëndën e biokimisë. Ata, që kane mundësi ekonomike, japin minimalisht 150 euro, për të marrë provimin. Në këtë universitet ka studentë, që arrijë të diplomohen, vetëm për shkak të kësaj lënde.Një tjetër shqetësim i studentëve është dhe libri i biokimisë mjeksore, libër me autorësine e dy pedagogeve. Ai është i vështirë, për t’u deshifruar,pasi fjalët janë të ngjitura dhe studentët janë detyruar ta paguajnë 55 mijë lekë të vjetra.Një bashkëpunëtor i emisionit “Stop” ve në provë pretendimet e studentëve dhe u jep pedagogeve Suzana Golemi dhe Donalda Laçej 150 euro në zyrën e rektores.Në këmbim “studenti” ynë ia del ta marrë provimin problematik.