Kryeministri i Holandës, Mark Rutte, është në një vizitë zyrtare në Tiranë. Gjatë fjalës së tij, në konferencën e përbashkët me kryeministrin Edi Rama, ka folur lidhur me anëtarësimin e Shqipërisë në Bashkimin Europian.
Rutte është shprehur se konferenca e parë ndërqeveritare duhet të hapet sa më parë mes Shqipërisë dhe BE, por tha se kjo do të varet nga zgjidhja e ngërçit mes Maqedonisë së Veriut dhe Bullgarisë.
“Është e drejtë që për të nisur konferencën e parë ndërqeveritare të ndryshojë qëndrimi i Bullgarisë. Shpresoj që kjo të ndodhë. Do të ishte e drejtë, ju keni bërë kaq shumë përparime. Natyrisht që shumë keni bërë. Bashkimi Europian dhe Shqipëria duhet të forcojnë marrëdhëniet. Duhet të ketë diçka midis gjatë rrugës që ecim përpara. Jam i lumtur që vendet tona zhvillojnë marrëdhëniet dypalëshe. Ne bashkëpunojmë intensivisht. Holanda është investuesi më i madh në Shqipëri. Ne vazhdojmë të takohemi. Le të vazhdojmë të punojmë kështu, të takohemi, ta ndërtojmë këtë miqësi dhe ta bëjmë më shumë praktike“, tha ai