Kosovë/ Albin Kurti: Nga 1 tetori arsimi i lartë do të jetë pa pagesë – Stop
Lajme, Të Gjitha

Kosovë/ Albin Kurti: Nga 1 tetori arsimi i lartë do të jetë pa pagesë

Kryeministri i Kosovës Albin Kurti, ka njoftuar që nga 1 tetori i këtij viti, do të hiqen pagesat për të gjithë studentët që dëshirojnë të studiojnë në nivelin Bachelor dhe Master, në universitetet publike në Kosovë.

Kurti në fjalën e tij ka theksuar se ky vendim vlen për studentët e vitit akademik 2021/2022.

Gjithashtu sipas Kurtit lehtësime do të ketë edhe për studentët e Doktoratës.

“Nga një tetori i këtij viti duke filluar nga viti akademik 2021/2022, arsimi i lartë në Kosovë do të jetë pa pagesë për të gjithë ata që dëshirojnë të studiojnë për nivelin Bachelor dhe Master ndërsa ata të Doktoratës do të kenë lehtësime”, ka thënë Kurti.

Përfitimi do të kenë nga ky vendim edhe studentët e vendeve të rajonit.

“Besojmë që në këtë formë nxisim interesimin për studime të larta duke përmirësuar nivelin e përgjithshëm arsimor të popullsisë sonë dhe duke kontribuar në zhvillimin e kapitalit njerëzor që është parakusht për zhvillim ekonomik e progres shoqëror.

Nga ky vendim do të përfitojnë të gjitha kategoritë e shoqërisë. Do të përfitojnë edhe studentët e vendeve të tjera e sidomos të atyre të rajonit që do të trajtohen si të gjithë studentët e tjerë”, ka thënë Kurti.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *