Një përpjekje ukrainase për të zhdukur dhjetëra pilotë rusë me tortë dhe uiski të mbushur me helm u pengua në minutën e fundit.
Kutitë me uiski irlandez Jameson dhe një tortë gjigante, që përmbanin përbërës vdekjeprurës, thuhet se u dorëzuan në një festë në një akademi të lartë ushtarake të fluturimit.
Pilotët, përfshirë ata në konfliktin e vijës së parë, po festonin 20 vjetorin e diplomimit të tyre në Shkollën e Lartë të Aviacionit Ushtarak Armavir.
Në total, 77 persona ishin të ftuar në ngjarje dhe kanali Telegram Flightbomber raportoi se “të gjithë janë gjallë”. Sipas kësaj media, pavarësisht se torta 20 kg ishte ndarë në pjesë të vogla, nuk ishte konsumuar.
Të ftuarit në këtë festë ishin pilotë nga klasa e vitit 2003, shumë prej tyre tani janë shumë të dekoruar dhe mbajnë grada të larta.
Pilotët kërkuan të zbulonin identitetin e atentatorit të dyshuar dhe stafi i akademisë gjeti pamjet e CCTV-së të dërguesit.
Ai u gjurmua me shpejtësi nga bazat e të dhënave të përpunuara të njohjes së fytyrës të Rusisë, dhe u zbulua se ishte nga Melitopol në Ukrainën e pushtuar.
U raportua se ai ishte përpjekur të dilte me shpejtësi nga akademia dhe u drejtua për në aeroportin e Stavropolit, në një përpjekje për të ikur nga Rusia.
Burri i identifikuar si 32-vjeçari E. Semenov, u arrestua dhe pranoi pranimin e helmit tek uiski dhe torta. Kanali Telegram Flightbomber fajësoi inteligjencën ushtarake ukrainase për përpjekjen për të zhdukur dhjetëra pilotë rusë.
Sipas medias ruse, autori ka pranuar helmimin dhe se e dinte numrin e të ftuarve dhe se ku do zhvillohej festa. Dyshohet se autori ka porositur tortën nga një ëmbëltore vendase në Armavir, në rajonin e Krasnodarit.
“Oficerët për shkak të argëtimit të tyre lanë mënjanë tortën dhe pijet alkoolike, nuk patën kohë t’i konsumonin. Do të kishte qenë një fatkeqësi sepse ishin 77 persona të ftuar, por të gjithë janë gjallë. GUR (inteligjenca ushtarake ukrainase) dështoi”, shkruan media ruse.
Nuk ka pasur asnjë koment zyrtar nga forcat ruse të zbatimit të ligjit për helmimin e supozuar.
