Nënkryetarja ameriakne Kamala Harris u tha migrantëve nga Guatemala dhe Meksika të mos “vinin në Shtetet e Bashkuara” sepse ata do të refuzohen.

Gjatë vizitës së saj të parë jashtë shtetit që nga marrja e detyrës, Harris foli për “udhëtimin e rrezikshëm në veri” që migrantët marrin duke i nxitur “të mos vijnë”.

“Shtetet e Bashkuara do të vazhdojnë të zbatojnë ligjet tona dhe të mbrojnë kufijtë tanë. Nëse vini në kufirin tonë, do të ktheheni përsëri”, tha nënkryetarja, duke theksuar se ka a mënyra të “imigrimit të ligjshëm” dhe se “këto janë ato që duhet të ndiqen”.

Fjalët u thanë nga nënkryetarja amerikane gjatë vizitës së saj në Guatemalë dhe Meksikë. Kamala Harris njoftoi gjithashtu krijimin e një task force të përbashkët për trafikimin e qenieve njerëzore dhe anti-korrupsion, si dhe një program për fuqizimin e grave.

Linja e Biden për imigracionin është krejtësisht e ndryshme nga ajo e Trump, megjithëse jo të gjithë brenda Partisë Demokratike Amerikane pajtohen.

Më kritikët janë republikanët, të cilët akuzojnë presidentin dhe deputetin se nuk kanë vizituar ende kufirin jugor, të shënuar nga problemi i migrimit dhe se kanë krijuar një “krizë ” në shtetet e jugut.