Grabitet banesa e pensionistit, 3 persona i marrin 200 mijë lekë të reja – Stop
Lajme, Të Gjitha

Grabitet banesa e pensionistit, 3 persona i marrin 200 mijë lekë të reja

Banesa e një pensionisti ka rënë pre e grabitësve gjatë mesnatës në Tepelenë. Policia bën me dije se shkuar tre persona të paidentifikuar, të pamaskuar dhe të paarmatosur, kanë marrë shumën 200.000 lekë të reja në shtëpinë e 68 vjeçarit.

68-vjeçari ka kallëzuar para shërbimeve të Policisë se ka qenë i vetëm në banesë, kur ndodhi ngjarja, dhe tre personat e paidentifikuar nuk kanë ushtruar dhunë mbi të.

 “Rreth orës 00:20 të datës 28.11.2021, shtetasi A. M., 68 vjeç, banues në fshatin Luzat, Tepelenë, ka njoftuar se rreth orës 21:45 të datës 27.11.2021, në banesën e tij kanë shkuar tre shtetas të paidentifikuar (të pamaskuar dhe të paarmatosur), të cilët i kanë marrë shumën 200.000 lekë të reja.

Shtetasi A. M. ka kallëzuar para shërbimeve të Policisë se ka qenë i vetëm në banesë dhe tre personat e paidentifikuar nuk kanë ushtruar dhunë mbi të.

Menjëherë pas marrjes së njoftimit në vendngjarje kanë shkuar shërbimet e Policisë”, njofton policia.

Grupi hetimor po punon për identifikimin dhe kapjen e autorëve, si dhe për zbardhjen e rrethanave të ngjarjes.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *