Pamjet mbresëlënëse me dron kanë treguar një megaqytet prej 1 trilion dollarësh në ndërtim në veriperëndim të Arabisë Saudite.

Pamjet janë shkrepur nga kompania e fotografimit ajror të Arabisë Saudite, Ot Sky, duke treguar punën që fillon në këtë megaqytet, icili pritet të jetë 170 kilometra e gjatë.

Krahas The Line, do të ndërtohen edhe shumë projekte të tjera si një vendpushim skish dhe strehim për qeverinë saudite.

Në pamjet, duket se po punohet për ndërtimin e megaqytetit, në atë që duhet të jetë një përpjekje monumentale.

Ekskavatorë të shumtë mund të shihen duke gërmuar një llogore të gjerë lineare në shkretëtirë, me ndërtues gjithashtu në terren që monitorojnë përparimin e tyre.

Po ashtu, ka disa pamje të një vrime gjigante që mund të jetë fillimi i ndërtimit për një sistem transporti që do të ndërtohet nën gjatësinë e qytetit.

Ky sistem i ri transporti është krijuar për të minimizuar ndarjen mes natyrës dhe qytetarëve dhe shpresa është që duke përdorur trenat me shpejtësi të lartë, banorët do të mund të udhëtojnë nga njëra anë e qytetit në tjetrën në vetëm 20 minuta.

Megaqyteti u zbulua zyrtarisht në fillim të këtij viti dhe është projektuar për të strehuar nëntë milionë njerëz.

Ai do të jetë 500 metra i lartë dhe do të ketë një fasadë të pasqyruar, me megaqytetin që pritet të jetë afërsisht në të njëjtën madhësi me shtetin e Massachusetts.

Do të jetë gjithashtu neutral ndaj karbonit, duke u mundësuar tërësisht nga burime të rinovueshme të energjisë.

Planet për të ndërtuar një megaqytet u bënë nga princi i kurorës Mohammed bin Salman Al Saud.