Dyshimet për AstraZeneca-n, Rama: S’ka shanse që të shkaktojë situata dramatike për shëndetin – Stop
Aktualitet, Të Gjitha

Dyshimet për AstraZeneca-n, Rama: S’ka shanse që të shkaktojë situata dramatike për shëndetin

Nga shkolla ‘14 Shkurti” në Tiranë, ku nisi sot vaksinimi i mësuesve me dozat e ‘Astrazeneca-s’, kryeministri Edi Rama iu përgjigj shqetësimit lidhur me pezullimin e kësaj vaksine në disa shtete.

Rama u shpreh se sasia e ardhur në Shqipëri e ‘Astrazeneca-s’ vjen nga Suedia dhe se nuk ka asnjë shans që kjo vaksinë të shkaktojë situata dramatike për shëndetin.

“Ne kemi një seri tjetër. Anglia vazhdon vaksinimin me AstraZeneca. Vaksina e AstraZenca-s është vaksina e Oksfordit dhe nuk ka shans që të jetë një injeksion që të shkaktojë situata dramatike për shëndetin, por verifikimet që po bëhen lidhen me të kuptuarit e pse-së. Nuk ka asnjë problem për aq sa kohë është një vaksinë që qarkullon”, u shpreh kreu i qeverisë.

Rama kërkoi nga mediat, t’i referohen vetëm burimeve zyrtare duke sjellë në vëmendje edhe luftën tregtare për vaksinat.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *