Të tjera detaje dalin në dritë nga krimi i rëndë që tronditi Elbasanin, ku burri vrau bashkëshorten e tij.

Mësohet se gruaja, kërkonte urdhër mbrojtje nga bashkëshorti, por ish polici i mori jetën duke e masakruar me thike dhe qëlluar për vdekje me kallashnikov.

Ngjarja e rëndë që tronditi Elbasanin u shënua mesditën e kësaj të enjteje pranë gjykatës. Bashkëshortët Koço dhe Liljana Buzo përkatësisht 58 dhe 54 vjeç ishin duke iu drejtuar gjykatës se qytetit ku do të mbahej seanca për ish-policin, pasi e shoqja e kishte denoncuar për dhune dhe kërkonte urdhër mbrojtje ndaj tij.

Veçmas nga njeri-tjetri bashkëshortet ishin duke ecur drejt gjykatës, por 58-vjeçari i cili ishte duke e ndjekur të shoqen e ndaloi atë dhe pas konfliktit verbal që patën e qëlloi me thikë dhe me pas edhe me kallashnikovin që kishte me vetë duke e lënë të vdekur ne vend. Po ashtu te plagosur mbeten edhe 2 persona të cilët ndërhynë për të neutralizuar agresorin.