Sipas një auditimi të KLSH-së të vitit 2021 në Spitalin Psikiatrik Vlorë, janë gjetur shkelje financiare, që kapin shifrën 400 milionë lekë të vjetra përgjatë viteve 2017-2020.Ky spital së fundi është investuar nga Ministria e Shëndetsisë dhe është i ndarë në dy shërbime, akut dhe kronik.Ajo, që ndodh me kushtet e

shërbimit kronik, është pak të thuash skandaloze.Për pavionin e burrave, kapaciteti është 14 pacientë, por aty mbahen plot 41 të sëmurë.Pavioni i grave është në kushte edhe më të rënda. Në një banjo e një dush duhet të lahen plot 51 gra me probleme mendore.Krevatët janë të prishur, të ndotur me jështëqitje, dhe megjithë denoncimet, asnjë masë nuk është marrë.Në raportin e KLSH-së nënvizohet gjithashtu abuzimi me ushqimin e pacientëve dhe shërbimi i calë lavanterisë.Drejtoresha e komanduar prej 4 vitesh e këtij Spitali, është Olta Ganaj, një emër jo i panjohur për publikun. Ajo iku nga detyra si drejtoreshë e Shtëpisë së Fëmijës Vlorë, pas transmetimit në “Stop” të abuzimeve të saj financiare.