Një Bibël Hebraike 1100-vjeçare që është një nga dorëshkrimet biblike më të vjetra të mbijetuara në botë, u shit për 38 milionë dollarë në Nju Jork të mërkurën.

Codex Sassoon , një vëllim pergamenë i lidhur me lëkurë, i shkruar me dorë, që përmban një Bibël pothuajse të plotë hebraike, u ble nga ish-ambasadori i SHBA në Rumani Alfred H. Moses.

E përbërë nga 24 libra, Bibla Hebraike është themeli për Judaizmin si dhe Krishterimin, në të cilin këto tekste përmenden si Dhiata e Vjetër. Këshilltarja e lartë e Sotheby’s Sharon Liberman Mintz tha se Bibla është në një gjendje të mirëmbajtur.

“Bibla hebraike është teksti i shenjtë, themelor për popujt anembanë botës,” tha kreu i Sotheby’s i Judaica Lieberman Meetz, duke shtuar: “Në ‘Codex Sassoon’, zbulohet një transformim monumental në historinë e Biblës Hebraike, duke sjellë në dritë historinë e plotë të Biblës Hebraike që nuk ishte paraqitur kurrë në formë libri.”

“Ka tre Bibla të lashta hebraike nga kjo periudhë,” sipas Yosef Ofer, një profesor i Studimeve Biblike në Universitetin Bar Ilan të Izraelit: Codex Sassoon dhe Aleppo Codex nga shekulli i 10-të dhe Kodiku i Leningradit, nga fillimi i shekullit të 11-të. Vetëm rrotullat e Detit të Vdekur dhe një pjesë e vogël e teksteve fragmentare të mesjetës së hershme janë më të vjetra dhe “një Bibël e gjitha hebraike është e rrallë”, shton ai.

Disa shekuj përpara krijimit të Codex Sassoon, studiuesit hebrenj të njohur si Masorete filluan të kodifikojnë traditat gojore me synimin e rrokjes së saktë, dhe rrjedhimisht shqiptimit, të psalmit të librit më të shenjtë të Judaizmit.