Prej kohësh tashmë, ne kemi trajtuar problemin e dhënies së kempeve në mënyrë abuzive.Në Shkallnur të Durrësit u takuam me zotin Sulejman Malaj, i cili jeton dhe ushtron aktivitetin e tij “shitje vaji për automjetet”. Nga ana tjetër Sulejmani pashaportizimin dhe kempin, për probleme me zemrën i merr prej 15 vitesh në Has të Kukësit.Në Kozarë të Kucovës Margarita Suli nuk pengohet nga diagnoza “probleme me gjymtyrët”, për të punuar në mobileri.Në Vlorë Shpresa Pashollari dhe Arben Bashllari punojnë, edhe pse zyrtarisht njihen si invalidë pune dhe trajtohen si të tillë. Gazmir Balla në Gorre të Lushnjes, prej vitit 2007 ka statusin e para dhe tetraplegjikut, por në realitet punon në serë.Nga ana tjetër ne kemi sjellë edhe shumë raste, kur persona të pamundur, nuk trajtohen me kemp apo nuk u jepet kujdestar.Të tillë janë Dhimitraq Dimo nga Vlora, pa kemp megjithëse është paraplegjik.Liridion Korca nga Pogradeci, i diagnostikuar me skizofreni, por edhe me një këmbë të prerë, nuk përfiton kemp.Belie Kalemi nga Saranda nuk merr kemp, megjithë dëmtimet në shtyllën kurrizore.
