Basha: Punonjësit e ushtrisë me mjete rrethanore, Rama mendon për luksin – Stop
Lajme, Të Gjitha

Basha: Punonjësit e ushtrisë me mjete rrethanore, Rama mendon për luksin

Kryetari i Partisë Demokratike Lulzim Basha ka reaguar lidhur me situatën e rënduar të zjarreve në vend.

Me anë të një statusi në rrjete sociale, Basha shkruan se në një kohë kur vendi po përballet me situatën e rënduar, kryeministri Edi Rama përdor helikopterin e ushtrisë për udhëtimet e tij personale.

Për këtë arsye shprehet Basha, fondet e shtetit mungojnë.

“Mirënjohje për punonjësit e emergjencave civile dhe forcat e ushtrisë që po përballen me flakët përgjatë këtyre orëve të vështira. Pamjet që i shfaqin teksa luftojnë me mjete rrethanore janë sa pikëlluese po aq sa indinjuese kur shohim se në të njëjtën ditë, Edi Rama, i heq përballjes me zjarrin helikopterin e ushtrisë, për ta përdorur për udhëtimet e tij.

Natyrisht, kërcënimi i zjarrit është i kudondodhur në rajon, por nuk ndodh askund që në një moment krize, mjetet e pakta të mpaken edhe më shumë për t’i shtuar privilegjet një individi.

Kjo nuk është papërgjegjshmëri, por modeli me të cilin është keqqeverisur dhe varfëruar vendi. Prandaj nuk ka fonde dhe mjete për t’u përballur me emergjencat, qofshin zjarre apo tërmete, sepse shteti përdoret si instrument i një pakice që punon për vete, jo për qytetarët”, shkroi Basha.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *