Kreu i PD Sali Berisha nga selia blu ditën e sotme ka dënuar dhunën policore në protestat e studentëve, sidomos dy ditë më parë.

Berisha u shpreh se policët për 2500 euro shpërblim që ofron Rama, shndërrohen në kafshë ndaj të rinjve, djemve dhe vajzave. Regjimi i Ramës ka marrë fund, shton kryedemokrati dhe policia po kryen akte dhe krime të rënda si kontrolle në banesat e protestuesve orët e darkës.

Berisha: Sot dënoj me forcën më të madhe terrorin e egër policesk të ushtruar jashtë të gjitha kushteve ligjore ndaj studentëve protestues, qytetarëve në protestë. Garantoj se cilin prej tyre narko mercenarëve që për 2500 euro shndërrohen në kafshë ndaj të rinjve, që do dënohen për krime të rënda për aktet që kryejnë në mbrojtje të padrinos së Shqipërisë, Edi Rama.

Regjimi i Edi Ramës ka marrë fund. Ju duhet të mendoni sepse po kryeni akte shumë të rënda, krime shumë të rënda. Ky terror para kamerave vazhdon me një terror në gjithë Shqipërinë me kontrolle në banesa, me ndalime në shtëpia të protestuesve. Edhe një herë ti që shkon në kundërshtim me ligjin në banesën e tjetrit pa asnjë motiv ligjor do bëhesh përgjegjës. Ligji nuk të lejon të shkelësh banesën e tjetërkujt pa orës 8 të darkës. Jepini fund mercenarizimit tuaj se do pësoni fatin e padrinos që mbroni.