Zjarrfikësit e Tiranës pritet të shpërblehen financiarisht për angazhimin e tyre në përballimin e situatës së zjarreve.

Nisma vjen nga kryetari i Bashkisë së Tiranës, Erion Veliaj, ndërsa projektvendimi do t’i kalojë për miratim Këshillit Bashkiak.

Shpërblimi propozohet si vlerësim për efektivët që u angazhuan në terren gjatë një periudhe me ndërhyrje intensive, rrezik të lartë dhe gatishmëri të vazhdueshme.

Zjarrfikësit kanë qenë në vijën e parë të ndërhyrjeve, duke punuar për shuarjen e vatrave të zjarrit dhe mbrojtjen e banorëve, banesave dhe pronës.