Një ish-punonjëse e një çerdheje që vrau një foshnjë 11-muajshe në Lyon në vitin 2022 duke e detyruar të gëlltiste një dozë të madhe pastruesi tualeti, është dënuar nga një gjykatë apeli me 30 vjet burg për vrasje të qëllimshme. Miriam Zaouen do të duhet të vuajë të paktën 15 vjet burg për të qenë e kualifikuar për lirim me kusht.

Sipas mediave të huaja, pasi gënjeu dhe mohoi çdo përfshirje në vdekjen e foshnjës, Zaouen më në fund pranoi se ia kishte derdhur produktin me bazë acidi sulfurik në gojë foshnjës. Megjithatë, ajo pretendoi se nuk donte ta vriste vajzën e vogël, vetëm për ta ndaluar së qari.

Ajo gjithashtu pretendoi se nuk e kishte kuptuar se sa i rrezikshëm ishte dekongjestanti , një pretendim që u hodh poshtë nga dëshmitarët, oficerët e policisë, mjekët dhe nga psikiatri.

“Klientja jonë e pranon dënimin, ne nuk do të apelojmë”, tha në gjykatë avokati i saj. Në fillim gjykata e dënoi gruan 27-vjeçare me 25 vjet burg për tortura dhe akte barbare që çuan në vdekjen e foshnjës. Ndërsa seancën e fundit gjyqësore, Gjykata e Apelit e shpalli atë fajtore për vrasje të qëllimshme të vogëlushes.

Gjyqi tre ditor ishte i tmerrshëm për prindërit e foshnjës, por drejtësia u vu për të voglën e tyre. Sot 27-vjeçarja iu drejtua prindërve të fëmijës dhe kërkoi falje, nëna, dukshëm e mërzitur, tundi kokën. “Vuajtja e tyre është e papërshkrueshme, por, të paktën, ata kanë ndjesinë se drejtësia bëri atë që duhej të bënte”, shtoi avokatja.

Mbrojtja i kërkoi jurisë ta ndëshkonte atë, por t’i jepte një shans për rehabilitim, pasi ajo nuk kishte ndërmend ta vriste foshnjën. Për më tepër, avokatja Meilis Leduc theksoi se kolegët e saj në çerdhe kishin theksuar se ajo ishte e papërshtatshme dhe e paaftë”për t’u kujdesur për fëmijët dhe nuk duhej të ishte punësuar kurrë.