Një rast prostitucioni është goditur sot, teksa në pra nga ra një 41-vjeçare dhe gjithashtu u proceduan tre burra që kanë përfituar prej saj.
Aksioni është kryer nga Policia e Fierit, pasi akuzohet se ushtronte prostitucion në zona të ndryshme të qytetit. Pas hekurave ra shtetasja me inicialet A. Xh., banuese në Patos.
Operacioni është koduar “Destinacioni”. Si prova materiale u sekuestruan edhe 2 celularë.
Njoftimi i Policisë së Fierit:
“Specialistët për Hetimin e Trafiqeve të DVP Fier, bazuar në informacionet e siguruara në rrugë operative për një shtetase që ushtronte prostitucion, kanë organizuar operacionin e koduar “Destinacioni”, për dokumentimin e kësaj veprimtarie kriminale. Si rezultat i operacionit u arrestua shtetasja:
-A. Xh., 41 vjeçe, banuese në Patos.
Kjo shtetase dyshohet se ushtronte prostitucion në ambiente të ndryshme në qytetin e Fierit.
Gjithashtu, u referuan materialet në Prokurori ku nisi procedimi penal për shtetasit: E. Sh., 41 vjeç, T. Ç., 39 vjeç dhe M. B., 34 vjeç, për veprën penale “Prostitucioni”, pasi kanë përfituar nga kjo veprimtari kriminale. Në cilësinë e provës materiale u sekuestruan 2 celularë. Materialet procedurale iu referuan Prokurorisë së Fierit, për veprime të mëtejshme”.
