Një mike e Barron Trump ka zbuluar se ai i shpëtoi jetën duke telefonuar policinë pasi pa ish-të dashurin e saj duke e rrahur gjatë një telefonate në FaceTime.

Vajza, emri i së cilës nuk është bërë publik, i tha një gjykate në Londër se e kishte telefonuar Trumpin janarin e vitit 2025 pasi ish-i dashuri i saj, Matvey Rumyantsev dyshohet se filloi ta rrihte sepse ishte xheloz.

Djali i presidentit amerikan Donald Trump kontaktoi autoritetet në Mbretërinë e Bashkuar, duke i thënë operatorit të 911: “Sapo mora një telefonatë nga një vajzë që njoh. Po rrihet”.

Ai theksoi se situata është urgjente. Gjykata ku u dëgjua çështja tregoi gjithashtu pamjet e kamerave të trupit nga mbërritja e policisë, të cilat tregonin oficerët duke i thënë gruas se dikush nga Shtetet e Bashkuara i kishte kontaktuar.

“Unë jam shoqe me Barron Trump, djalin e Donald Trump”, u thotë vajza autoriteteve, duke shpjeguar se e kishte telefonuar më parë nëpërmjet FaceTime. Një nga oficerët dëgjohet më pas duke i thënë një kolegu se padyshim informatori nga Amerika ka të ngjarë të jetë djali i Donald Trump.

Oficerët më vonë i kërkuan asaj të telefononte përsëri Trumpin për të konfirmuar atë që ai u tha atyre, me videon që e regjistroi atë duke thënë: “Hej, Barron – a e thirre policinë apo diçka e tillë?”

Pastaj Baroni përgjigjet se “Kam pasur dikë që telefonoi policinë.”