Kreu i Partisë Demokratike, Sali Berisha gjatë konferencës së tij me gazetarët u pyet lidhur me “Bordin e Paqes” ku është ftuar kryeministri Edi Rama nga presidenti Donald Trump. Berisha u pyet nëse Partia Demokratike do të votojë për ratifikimin e tij.

Kryedemokrati u shpreh se ftesa u është dërguar shumë vendeve se por nuk iu përgjigj pyetjes nëse do ta votojë PD apo jo. Ai u shpreh se nuk e di që “Bordi i Paqes” do të shtrohet në Parlament.

“Ftesa për Bordin e madh të paqes i është shpërndarë ftesa për shumë vende. Presidenti Trump aty ka ftuar vendet. Në Shqipëri shefi i ekzekutivit i ka vajtur se është kryetar I qeverisë. Kjo është komenti im.

Nuk kam asnjë lloj komenti tjetër dhe ju mund të mendoni se forcon pozicionin ndërkombëtar të Edi Ramës. Edi Rama mbetet një narko-diktator, por është njeriu që përfaqëson Shqipërinë. Unë nuk di që kjo shtrohet në Parlament…Nuk mund të them… Do mendohemi, por asgjë nuk e shpëton Edi Ramën”, u shpreh Berisha.

Ndërkohë nesër do të zhvillohet seanca e radhës në Parlament për të ratifikuar “Bordin e Paqes”. Mësohet se seanca do të nisë në orën 10:00. Qeveria sot ka miratuar në mbledhje aderimin e Shqipërisë në “Bordin e Paqes” për Gazën.