Sekretari amerikan i Shëndetësisë, Robert F. Kennedy Jr në një intervistë të zhvilluar ka zbuluar se presidenti Donald Trump konsumon ushqime të shpejta. Sipas tij, Trump shpesh ha ushqim shumë të keq dhe pi shumë pije me gaz siç është Diet Coke.
“Gjëja interesante në lidhje me presidentin është se ai ha ushqim shumë të keq, që është McDonald’s. Dhe pastaj karamele dhe Diet Coke. Ai pi Diet Coke gjatë gjithë kohës”, tha ai.
Duke folur lidhur me mënyrën sesi ushqehet presidenti, ai u shpreh se nuk e di sesi është gjallë nga kjo mënyrë e të ushqyerit.
“Nuk e di se si është gjallë, por është’, tha ai.
Kennedy theksoi se presidenti është në gjendje të shkëlqyer fizike. “Dr. Oz shikoi të dhënat e tij mjekësore dhe tha se ka nivelin më të lartë të testosteronit që ka parë ndonjëherë për një individ mbi 70 vjeç”, tha Kennedy. “E di që presidenti do të jetë i lumtur që ta përsëris këtë’, tha ai.
Katie Miller: "Who has the most unhinged eating habits?"
RFK: " The president…I don't know how he's alive, but he is…He's just pumping himself full of poison all day long." pic.twitter.com/i3CoSTh3KT
— Home of the Brave (@OfTheBraveUSA) January 14, 2026
