Agjencia izraelite e lajmeve, Haaretz, ka publikuar një raport ku thuhet se ushtarët që veprojnë pranë vendeve të ndihmës ushqimore në Gaza kanë qëlluar qëllimisht mbi palestinezët.
Izraeli urdhëroi një hetim mbi krime të mundshme lufte mbi akuzat nga disa ushtarë që i zbuloi të premten, tha Haaretz.
Të paktën 549 palestinezë janë vrarë dhe 4,066 të tjerë janë plagosur ndërsa prisnin për ndihma ushqimore të shpërndara në vendet e drejtuara nga Fondacioni Humanitar i Gazës (GHF) i mbështetur nga Izraeli dhe Shtetet e Bashkuara , tha të enjten Zyra e Medias e Qeverisë së Gazës. GHF ka qenë një burim kritikash të gjera që nga themelimi i saj në maj.
Sipas raportit të Haaretz, i cili citoi ushtarë izraelitë të paidentifikuar, trupave iu tha të qëllonin mbi turmat e palestinezëve dhe të përdornin forcë vdekjeprurëse të panevojshme kundër njerëzve që dukeshin se nuk përbënin kërcënim.
“Ne qëlluam me mitralozë nga tanket dhe hodhëm granata”, tha një ushtar izraelit për Haaretz. “Pati një incident ku një grup civilësh u godit ndërsa përparonin nën mbulesën e mjegullës”.
Në një rast tjetër, një ushtar tha se aty ku ishin të stacionuar në Gaza, “një deri në pesë persona vriteshin çdo ditë”. “Është një fushë vrasjesh”,-shtoi ushtari izraelit.
Nga ana tjetër ushtria izraelite “i hodhi poshtë me forcë” akuzat në raport. Sipas një deklarate ushtarake të publikuar në Telegram. “Çdo pretendim për devijim nga ligji ose direktivat ushtarake do të shqyrtohet plotësisht dhe do të ndërmerren veprime të mëtejshme sipas nevojës. Pretendimet për zjarr të qëllimshëm ndaj civilëve të paraqitura në artikull nuk njihen në terren”, tha ajo.
Kryeministri izraelit Benjamin Netanyahu dhe Ministri i Mbrojtjes Israel Katz e dënuan raportin, duke e quajtur atë “shpifje gjaku” ndaj Forcave Mbrojtëse Izraelite (IDF), sipas një deklarate të publikuar nga media The Times of Israel.
“IDF operon në kushte të vështira kundër një armiku terrorist që vepron nga brenda popullsisë civile”, thanë ata. “Ushtarët e IDF marrin urdhra të qartë për të shmangur dëmtimin e civilëve të pafajshëm dhe veprojnë në përputhje me rrethanat.”
