Gjykata e Posaçme Kundër Korrupsionit dhe Krimit të Organizuar ka lënë në fuqi masën e sigurisë “arrest me burg” për kryetarin e Bashkisë së Tiranës, Erion Veliaj, në kuadër të hetimeve për korrupsion.

SPAK paraqiti si provë të re, apartamentin që u la në fuqi sekuestro nga Gjykata e Posaçme e Apelit, ndërsa mbrojtja ofroi garanci pasurore për ndryshimin e masës.

Kryebashkiaku i Tiranës nuk ishte i pranishëm, pasi ka firmosur një deklaratë nga IEVP Durrës, dhe u përfaqësua nga avokati i tij. Gjatë paraqitjes, SPAK raportoi 82 veprime hetimore të kryera gjatë dy muajve të fundit, duke theksuar se kushtet për një ndryshim të masës nuk ishin plotësuar.